Lavi Apre Lekòl
Tranzisyon soti nan lavi lekòl pou vin granmoun se yon pwen vire nan lavi yon jèn moun. Sa a pa diferan pou yon adolesan ki gen andikap nan devlopman.
Chwa pou elèv la k ap kite lekòl pou l ale nan lavi adilt ka gen ladan yo fòmasyon kontinyèl, jwenn yon travay oswa patisipe nan lòt aktivite ki gen sans, tankou volontarya ak devlopman konpetans pwofesyonèl oswa konpetans pou lavi.
Aksè nan aktivite sa yo mande planifikasyon davans. OPWDD travay avèk Depatman Edikasyon New York State , pèsonèl edikasyon espesyal lekòl la, fanmi elèv la ak Òganizasyon Kowòdinasyon Swen (CCO) pou ede elèv yo planifye tranzisyon yo soti lekòl la epi pou idantifye sipò yo pral bezwen nan lavi adilt.
Lèt Administratè Lekòl la, Lèt Paran/Gadyen, depliyan planifikasyon tranzisyon an, ak lòt enfòmasyon ki nan paj sa a bay enfòmasyon itil pou ou menm, anplwaye w yo, ak elèv ki gen andikap devlòpmantal ak fanmi yo sou sèvis OPWDD ak pwosesis planifikasyon tranzisyon an. Tanpri pataje dokiman yo ak lyen ki nan paj sa a avèk:
- Anplwaye w la
- Elèv ki gen 15 jiska 21ane ke ou kwè ka elijib pou sèvis OPWDD
- Paran/gadyen yo
- Pwofesè yo.
Tanpri ankouraje yo pou yo kontakte Front Door OPWDD a nan 866-946-9733 epi gade Videyo Front Door OPWDD yo pou yo ka aprann plis bagay sou kalifikasyon ak sèvis OPWDD yo. Elèv ki deja kalifye pou OPWDD epi ki konekte ak yon Òganizasyon Kowòdinasyon Swen (CCO) ta dwe kontakte Manadjè Swen yo pou ede yo mande sèvis pou granmoun.
Fòm Konsantman pou Divilge Enfòmasyon
Reyalite sou Planifikasyon Tranzisyon
Lekòl yo ede elèv yo konekte ak avni yo.
Planifikasyon tranzisyon an se pwosesis lekòl yo itilize pou ede elèv ki gen andikap ak fanmi yo pandan y ap planifye lavi apre lekòl segondè.
Pi bonè pwosesis la kòmanse pou elèv la, pi bon. Lekòl yo bezwen enfòme elèv yo ak fanmi yo sou pwosesis planifikasyon tranzisyon an epi ede yo navige atravè li.
Kèk enfòmasyon sou planifikasyon tranzisyon an:
- Sèvis lekòl yo disponib pou elèv ki gen andikap jiskaske yo gradye avèk yon diplòm Regents oswa lokal, oswa jiskaske yo fini ak aksè a yon edikasyon piblik gratis ki apwopriye. Sepandan, lekòl yo dwe travay ak chak elèv ki gen andikap nan devlopman yo pou yo gen yon plan tranzisyon an plas a laj 15 oswa pi bonè (8NYCRR 200.4(d)(2)(ix) ) pou asire ke sèvis yo ap disponib lè yo bezwen yo.
- Elèv ki enterese nan sipò pou granmoun OPWDD ta dwe kòmanse travay avèk OPWDD omwen twazan anvan yo fini pwogram edikasyon yo.
- Lekòl yo bezwen jwenn fòmilè konsantman ki siyen nan men fanmi elèv la pou yo ka di OPWDD sou elèv ki ka elijib pou sèvis OPWDD, pou pataje dosye ak OWPDD oswa pou travay ansanm ak estaf OPWDD sou planifikasyon tranzisyon.
- Paran oswa gadyen ki enterese pèmèt lekòl la ak OPWDD pataje enfòmasyon yo dwe ranpli yon fòm Konsantman pou Divilge Enfòmasyon.
Zouti Tranzisyon Lekòl la
Twou zouti pou tranzisyon lekòl OPWDD a disponib pou administratè lekòl yo, anplwaye lekòl yo, ak elèv yo ak fanmi yo. Twous Zouti pou Tranzisyon Lekòl OPWDD a gen ladann materyèl ak lyen enpòtan ki pral itil pou administratè lekòl yo ak anplwaye lekòl yo, ansanm ak elèv k ap prepare pou yo deplase soti nan lavi lekòl la nan lavi adilt ak fanmi yo.