Anvigè 23 septanm 2013
Avi sa a rezime pratik konfidansyalite OPWDD ak dwa konfidansyalite w yo. Yo mete yon Avi sou Pratik Konfidansyalite ki ajou. Si w gen nenpòt kesyon konsènan avi sa a, tanpri kontakte Biwo Operasyon Eta lokal pou Andikap Devlopman an.
Angajman konfidansyalite nou anvè ou
Nan OPWDD, nou pral pwoteje vi prive w epi pataje enfòmasyon sou ou sèlman ak moun ki bezwen konnen epi ki gen dwa wè enfòmasyon yo pou asire w ke w resevwa bon jan sèvis.
Ou Gen Dwa Pou:
- Gade dosye klinik ou yo epi jwenn yon kopi;
- Mande nou chanje dosye w yo si w panse yo pa kòrèk;
- Mande yon lis moun ki te resevwa enfòmasyon klinik ou nan men OPWDD;
- Mande OPWDD pou pa itilize oswa pataje enfòmasyon klinik ou nan kèk ka;
- Mande yon kopi avi sa a sou papye;
- Pote plent si w kwè yo vyole dwa w sou vi prive
OPWDD pral itilize oswa pataje enfòmasyon klinik ou yo ak lòt moun san konsantman w pou:
- Tretman: pou ba w sèvis dapre Plan Sèvis Endividyalize w la oswa pou w jwenn nouvo sèvis pou ou;
- Peman: pou w peye pa oumenm oswa yon konpayi asirans, Medicare oswa Medicaid, lòt ajans gouvènman oswa lòt moun ki responsab pou peye pou sèvis ou yo;
- Operasyon Swen Sante: pou dirije pwogram nou yo epi asire anplwaye yo suiv règ yo;
- Lòt Rezon Lalwa pèmèt: tankou rezon sante ak sekirite, pwosè, demann ki fè respekte lalwa
Epitou, si w dakò, OPWDD pral pataje enfòmasyon w ak fanmi ak zanmi ki patisipe nan swen w.
OPWDD pral pataje enfòmasyon w pou lòt rezon sèlman si w ban nou konsantman w alekri.
Plent: Si ou kwè yo te vyole dwa konfidansyalite ou, ou ka pote plent bay:
- Direktè Biwo Operasyon Eta Devlòpmantal ou a (DDSOO)
- Sekretè Depatman Sante ak Sèvis Imen. 200 Independence Ave. SW Washington DC 20210, telefòn: 1-877-696-6775